సడి సేయకో గాలి సడి సేయబోకే
బడలి ఒడిలో రాజు పవ్వళించేనే..
సడి సేయకే...
రత్న పీఠిక లేని రారాజు నా సామి
మణికిరీటము లేని మహరాజు గాకేమి
చిలిపి పరుగులు మాని సొలసి పోరాదె..
సడి సేయకే...
ఏటి గల గలలకే ఎగసి లేచేనే
ఆకు కదలికలకే అదరి చూసేనే
నిదుర చెదరిందంటె నెనూరుకొనే
సడి సేయకే...
పండు వెన్నెల నడిగి పానుపు తేరాదే
నీడ మబ్బుల దాగు నిదుర తేరాదే
విరుల దీవన పూని విసిరి పోరాదే..
సడి సేయకో గాలి సడి సేయబోకే
బడలి ఒడిలో రాజు పవ్వళించేనే..
Subscribe to:
Post Comments (Atom)
No comments:
Post a Comment